Таъзия

Бо андӯҳи гарон хабар медиҳем, ки санаи 8-уми апрели соли ҷорӣ (2025) боз яке аз мутахассиси сатҳи олии Институти астрофизикаи Академияи миллии илмҳои Тоҷикистон дар баробари доктори илмҳои физикаю математика, узви вобастаи Академияи миллии илмҳои Тоҷикис

AMIT — Tue, 08 Apr 2025 10:09:47 +0000

Бо андӯҳи гарон хабар медиҳем, ки санаи 8-уми апрели соли ҷорӣ (2025) боз яке аз мутахассиси сатҳи олии Институти астрофизикаи Академияи миллии илмҳои Тоҷикистон дар баробари доктори илмҳои физикаю математика, узви вобастаи Академияи миллии илмҳои Тоҷикистон Субҳон Ибодович Ибодов, ки санаи 06.04.2025 ин оламро падруд гуфтанд, Олима ва Кашшофи кометаи 67P/Чурюмов-Герасименко, Светлана Ивановна Герасименко низ дар синни 80-солагӣ аз олам даргузашт, ки ин ба илми астрономияи тоҷик зарбаи бузург мебошад.

Светлана Ивановна Герасименко 23-уми феврали соли 1945 дар деҳаи Баришевкаи вилояти Киеви Украина дар оилаи омӯзгор ба дунё омада, соли 1953 ба мактаби миёнаи ҳамонҷо ба синфи якум рафта, баъд аз хатми он дар соли 1968 ба факултети астрономияи Донишгоҳи Киев дохил шуд ва онро бо ихтисоси астроном ба итмом расонидааст. Бояд қайд намуд, ки Светлана Ивановна Герасименко баъди хатми Донишгоҳ ба зинаи аспирантураи расадхонаи астрономии Академияи фанҳои Украина дохил шуда, моҳи сентябри соли 1969 ӯ ҳамроҳи коркуни расадхонаи астрономии Академияи фанҳои Украина Клим Чурюмов ба экспедитсия ба Алма-Ато барои мушоҳидаи кометаи 32P/Комас-Сола сафарбар гашт ва ба воситаи телескопи 50см –и онҷо кометаи навро мушоҳида намудааст. Шаби 11 ба 12 – уми сентябри соли 1969 ҳангоми мушоҳидаи кометаи 32P/Комас-Сола дар он вақт кометаи дигарро мебенад, ки баъдан онро ба номи кашфкунандагони он, яъне Чурюмов ва Герасименко ин кометаи нав (кометаи 67P/Чурюмова-Герасименко)-ро номгузорӣ мекунанд.

Қобил ба зикр аст, ки Светлана Герасименко соли 1973 бо даъвати Институти астрофизикаи Академияи миллии илмҳои Точикистон ба ҳайси корманди илмӣ ба Душанбе даъват шуда, то ин лаҳза фаъолияти илмии худро бо Институти астрофизикаи АМИТ идома дода, дорои чандон дастовардҳои илмӣ мебошад.

Светлана Ивановна Герасименко, яке аз астрономҳои муввафақи Иттиҳоди Шӯравӣ ва Тоҷикистон буда, кашфкунандаи кометаи 67P/Чурюмова-Герасименко, барандаи лауреати Ҷоизаи давлатии Ҷумҳурӣ ба номи Абуалӣ ибни Сино дар соли 2017 ва аъзои ҷамъияту созмонҳои байналмилалии астрономҳои ҷаҳон мебошад.

Инчунин 2-юми марти соли 2004 Светлана Герасименко ҳамроҳи Клим Чурюмов дар космодроми Куруи Гвианаи Фаронса ҳангоми парвози киштии кайҳонии байнисайёравии Аврупоии «Розетта» иштирок доштанд, ки барои омӯзиши кометаи 67P/Чурюмова-Герасименко равона карда шуда буд ва ин киштии кайҳонӣ моҳи ноябри соли 2014 бори аввал ба сатҳи кометаи мазкур бомуваффақият фуруд омад. Ҳангоми фурудоии дастгоҳи Роззета номбӯрда дар агентии кайҳонии Аврупо дар Олмон ширкат варзида буд.

Маврид ба зикр аст, ки ба номи Светлана Герасименко на танҳо комета балки астероиди (3945) низ дар соли 1982 аз ҷониби Николай Черных кашф шуда буд, номгузори шудааст.

Хабари марги нобаҳангоми Светлана Герасименко талафоти бузург дар илмӣ тоҷик баҳисоб рафта, аҳли кормандони Институтро сахт андӯҳгин намуд. Ба аҳли пайвандон ва хешовандонашон изҳори ҳамдарди баён намуда, ба онҳо сабри ҷамил хоҳонем.

Хотираи неки ӯ дар зеҳни коллективи Академияи миллии илмҳои Тоҷикистон ва Институти астрофизикаи АМИТ абадӣ хоҳад монд.

ХОТИРАШОН НЕКУ ЁДАШОН ГИРОМӢ БОД!

Amit.tj Пешбурди сиёсати илми кишвар

Моро пайгирӣ намоед: Telegram, Facebook, Instagram, YouTube

ИЗҲОРИ ҲАМДАРДӢ ВА ТАСАЛИЯТ

AMIT — Sun, 06 Apr 2025 05:47:31 +0000

ИЗҲОРИ ҲАМДАРДӢ ВА ТАСАЛИЯТ AMIT Sun, 04/06/2025 - 10:47

Таъзия

Раёсати Академияи миллии илмҳои Тоҷикистон нисбати фавти узви вобастаи АМИТ Ибодов Субҳон Ибодович (астрофизик) сахт андуҳгин буда, дар ин рӯзҳои вазнин ба аҳли наздикону пайвандони марҳум сабри ҷамил хоҳонанд.

Ҷаноза пагоҳ соати 9: 00 дар назди хонаашон шаҳри Душанбе кучаи Лоҳутӣ 21 кв 18 баргузор мегардад.

Amit.tj Пешбурди сиёсати илми кишвар

Моро пайгирӣ намоед: Telegram, Facebook, Instagram, YouTube

Ҳайати кормандони Раёсати Академияи миллии илмҳои Тоҷикистон нисбати марги доктори илмҳои таърих, профессор Бобомуллоев Саидмурод Ғиёсович изҳори тассалият ва ҳамдардии самимӣ баён намуда, ба наздикону пайвандони марҳум аз даргоҳи Яздони пок сабри ҷамилро

AMIT — Mon, 16 Dec 2024 09:59:39 +0000

Ҳайати кормандони Раёсати Академияи миллии илмҳои Тоҷикистон нисбати марги доктори илмҳои таърих, профессор Бобомуллоев Саидмурод Ғиёсович изҳори тассалият ва ҳамдардии самимӣ баён намуда, ба наздикону пайвандони марҳум аз даргоҳи Яздони пок сабри ҷамилро AMIT Mon, 12/16/2024 - 14:59

Таъзия

Кӯчаи Аҳмади Дониш гузаргоҳи 2 хонаи 61 ҷаноза масчиди пӯшида ёри таъҷилӣ соати 13:00 намози пешин!

Бинобар даргузашти ходими намоёни давлатӣ ва сиёсӣ Низорамо Зарипова изҳори ҳамдардӣ баён намуда, ба наздикону пайвандони марҳум сабри ҷамил хоҳонам.

AMIT — Sun, 01 Dec 2024 11:23:36 +0000

Бинобар даргузашти ходими намоёни давлатӣ ва сиёсӣ Низорамо Зарипова изҳори ҳамдардӣ баён намуда, ба наздикону пайвандони марҳум сабри ҷамил хоҳонам. AMIT Sun, 12/01/2024 - 16:23

Таъзия

Бинобар даргузашти ходими намоёни давлатӣ ва сиёсӣ Низорамо Зарипова изҳори ҳамдардӣ баён намуда, ба наздикону пайвандони марҳум сабри ҷамил хоҳонам.

@RustamEmomali

ТАЛАФОТИ БУЗУРГ ДАР ШАРҚШИНОСИИ ТОҶИК

AMIT — Fri, 15 Nov 2024 07:00:54 +0000

ТАЛАФОТИ БУЗУРГ ДАР ШАРҚШИНОСИИ ТОҶИК AMIT Fri, 11/15/2024 - 12:00

Таъзия

Раёсати Академияи миллии илмҳои Тоҷикистон ва Институти омӯзиши масъалаҳои давлатҳои Осиё ва Аврупо ҷиҳати даргузашти доктори илмҳои филология, сарходими илмии шуъбаи Шарқи Миёна ва Наздики Институти омӯзиши масъалаҳои давлатҳои Осиё ва Аврупо Мардонӣ Тоҷиддин Нуриддин андуҳманд буда, ба хонадон ва наздикони устоди арҷманд сабру таҳаммул хоҳонем.

Устоди арҷманд Тоҷиддин Мардонӣ солиёни дарозест, ки ба кори фикрӣ иштиғол варзида, дар муҳит ва ҳавзаҳои фикрию мадании миллӣ ба сифати шахсияти матраҳи илмӣ соҳибэҳтиром буданд. Муҳимтар аз ҳама устод ҳамчун ховаршиноси номии миллию минтақавӣ дар муаррифии шоистаю боистаи равияи вежаи адабиёти дузабона муваффақият касб карда, миёни доираҳои илмию фаннии ватанию хориҷӣ мақом ва ҷойгоҳи муносиб дарёфанд. Аҳли илму адаби ватанӣ ва доираи васеи хонандагони дохилию хориҷӣ аз мазмуну муҳтавои мероси таҳқиқии эшон, минҷумла китобу рисола ва монографияҳои ихтисосии “Дузабонии арабию тоҷикӣ дар шеъри асрҳои 1Х-Х” (Душанбе: Маориф, 1993. -165 с.), “Носири Хусрав ва адабиёти арабзабон” (-Душанбе, 2005), “Шеъри Ибни Сино ба забони арабӣ” (Душанбе: Ирфон, 2006. -126 с.), “Равобити адабии халқҳои арабу тоҷик” (-Душанбе: Ирфон, 2006. -400 с.), “Саҳифаҳое аз равобити адабии Арабу Аҷам” (-Душанбе: Ирфон, 2010. -233 с.), “Рӯдакӣ ва адабиёти араб” (-Душанбе: Ирфон, 2010. -128 с.), “Таъсири шеъри арабӣ ба эҷодиёти шоирони форсу тоҷики асрҳои Х1-Х11” (-Душанбе: “Дониш”, 2020. -380 с.), “Влияние арабской поэзии на творчество персидско-таджикских поэтов Х1-Х11 вв.” (-Душанбе: “Дониш”, 2020. -382 стр.) ва амсоли инҳо хуб огоҳанд. Аз ин ҷост, ки силсилапажӯҳишҳои илмию ихтисосии устод Мардонӣ Тоҷиддин дар омӯзишу таҳқиқи адабиёти дузабона ва равобити адабии арабу Аҷам барои доираи васеи хонандагону муҳаққиқон ҳамчун сарчашмаи муътамади илмӣ ва таҳқиқӣ хидмат мекунанд. Махсусан, таҳқиқоти академии устод дар робита бо таъсири шеъри арабӣ ба ашъори шоирони маъруфи асрҳои ХI-ХII, ки ба забони русӣ таҳти унвони “Влияние арабской поэзии на творчество персидско-таджикских поэтов ХI-ХII вв.” (-Душанбе: “Дониш”, 2020) интишор гардидааст, дар байни ҷомеаи академию мадании миллӣ ҳамовозӣ пайдо кардааст.

Ба ин тартиб, устод дар баробари доштани вежагиҳои мунҳасир ба фарди ахлоқӣ, иҷтимоӣ, эҷодӣ, фарҳангӣ ва адабӣ, аз махсусиёти ихтисосӣ – дар сатҳи илмӣ-академӣ донистани забонҳои арабӣ, русӣ ва тоҷикӣ бархурдор буданд. Воқеан, кам касонеро аз ҷумлаи ховаршиносони маъруфи ватанӣ метавон пайдо кард, ки забонҳои арабию русиро дар сатҳи академӣ дониста бошад. Ин аст, ки устод на танҳо дар ҳавзаҳои фикрию илмии тоҷик, балки дар муҳитҳои шарқшиносии минтақавӣ ва русӣ низ ба унвони шахсияти матраҳи илмӣ эътибору эҳтиром дорад.

Устод Тоҷиддин Мардонӣ дар баробари омӯзишу таҳқиқи бардавом, ҳамчунин солҳо вазифаи пурмасъули Сафири фавқулода ва мухтори Ҷумҳурии Тоҷикистон дар Ҷумҳуриҳои Туркманистон ва Узбекистонро низ бар дӯш гирифта, аз тариқи кору фаъолияти дипломатӣ дар таҳкими равобити ҳасанаи мутақобила ва тақвияти сиёсати хориҷии Ҳукумати Ҷумҳурии Тоҷикистон саҳми арзанда гузоштаанд. Ин аст, ки ҳайати кормандони Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон хидматҳои бедареғи Шуморо дар самти ховаршиносии ватанӣ ва дипломатияи миллӣ қадр мекунанд ва аз ҳамкории судманду самаранокатон эҳтироман арзи сипос менамоянд.

Раёсати АМИТ ва мудирияти Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон бори дигар ба наздикону пайвандони устоди марҳум сабри ҷамил хоҳонанд.

Зиндаву ҷовид монд ҳар ки накӯном зист,

К-аз ақибаш зикри хайр зинда кунад номро.

Манзили охирататон обод бод устоди азиз.

ИЗҲОРИ ҲАМДАРДӢ ВА ТАСАЛИЯТ

AMIT — Mon, 23 Sep 2024 11:45:45 +0000

ИЗҲОРИ ҲАМДАРДӢ ВА ТАСАЛИЯТ AMIT Mon, 09/23/2024 - 16:45

Таъзия

Раёсати Академияи миллии илмҳои Тоҷикистон ба устод Саломиён Муҳаммаддовуд, ноиби президенти Академияи миллии илмҳои Тоҷикистон нисбати фавти #ПАДАРАШ ҳамдардӣ баён намуда, дар ин рӯзҳои вазнин ба аҳли наздикону пайвандон сабри ҷамил хоҳонанд.

Рӯҳи Падар шоду манзили охираташ обод бошад!

ИЗҲОРИ ТАСАЛИЯТ

AMIT — Wed, 28 Aug 2024 13:37:03 +0000

ИЗҲОРИ ТАСАЛИЯТ AMIT Wed, 08/28/2024 - 18:37

Таъзия

Роҳбарияти Академияи миллии илмҳои Тоҷикистон бинобар даргузашти президенти Академияи илмҳои Узбекистон Бехзод Содикович Юлдошев сахт андуҳгин буда, ба хешовандону пайвандон ва умуман ба олимону академикони кишвари ҳамсоя ҳамдардӣ баён менамояд.

Бехзод Содикович Юлдошев ҳамчун олими соҳаи физика буда, барои рушду пешрафти соҳаи илми кишвари худ хизматҳои бузург анҷом додааст. Боиси андуҳ аст, ки 28 августи соли 2024 президенти Академияи илмҳои Узбекистон Бехзод Содикович Юлдошев дар сини 79 солагӣ ҷаҳони фониро падруд гуфтанд

Раёсати Академияи миллии илмҳои Тоҷикистон ба Илҳом Авазов бинобар даргузашти БАРОДАРАШ ҳамдардӣ баён намуда, ба аҳли оила ва наздикони марҳум сабри ҷамил хоҳонанд.

AMIT — Sat, 06 Jul 2024 08:16:10 +0000

Раёсати Академияи миллии илмҳои Тоҷикистон ба Илҳом Авазов бинобар даргузашти БАРОДАРАШ ҳамдардӣ баён намуда, ба аҳли оила ва наздикони марҳум сабри ҷамил хоҳонанд. AMIT Sat, 07/06/2024 - 13:16

Таъзия

Раёсати Академияи миллии илмҳои Тоҷикистон ба Илҳом Авазов бинобар даргузашти БАРОДАРАШ ҳамдардӣ баён намуда, ба аҳли оила ва наздикони марҳум сабри ҷамил хоҳонанд.

Қодиров Ғиёсиддин 25.11.1941 – 19.05.2024 То боздид, эй “Корвони гулҳо”!

AMIT — Fri, 24 May 2024 09:32:31 +0000

Қодиров Ғиёсиддин 25.11.1941 – 19.05.2024 То боздид, эй “Корвони гулҳо”! AMIT Fri, 05/24/2024 - 14:32

Таъзия

Қодиров Ғиёсиддин соли 1941 дар ноҳияи Муъминободи Ҷумҳурии Тоҷикистон ба дунё омадааст. Баъди хатми мактаби миёна соли 1959 ба шуъбаи шарқшиносии факултаи филологияи Донишгоҳи давлатии Тоҷикистон ба номи В.И.Ленин (ҳозира Донишгоҳи миллии Тоҷикистон) дохил шуда, онро соли 1964 бо ихтисоси филолог-шарқшинос (филологияи форсӣ) тамом кардааст. Ӯ пас аз адои хидмати ҳарбӣ то охири соли 1966 устоди забони форсӣ дар мактаби рақами 14 - и ноҳияи Ленин (ҳоло Рӯдакӣ) буд.

Қодиров Ғиёсиддин соли 1969 ба сифати аспиранти Институти шарқшиносии АН ҶШС Тоҷикистон барои идомаи таҳсил ва таҳияи рисолаи номзадӣ ба Институти шарқшиносии АИ Иттиҳоди Шуравӣ (ш. Маскав) фиристода мешавад. Заҳмати пайваста даст дод, ки соли 1977 рисолаи номзадии худро дар маркази шарқшиносии Иттиҳоди Шуравӣ дар мавзуи «Достонҳои таърихии муосири форсӣ» сарбаландона дифоъ намояду ба диёр баргардад. Вай пас аз хатми аспирантурасоли 1975 дар шуъбаи Эрон ва Афғонистони Институти мазкур фаъолияти илмии худро идома медиҳад. Солҳои тулонӣ дар Ҷумҳурии Исломии Афғонистон (солҳои 1963-1964, 1967- 1969, 1980-1987) ва Эрон (солҳои 1971-1974) ба сифати тарҷумон кор кардааст.

Қодиров Ғиёсиддин соли 1980 муддате дар факултаи шарқшиносии ДДТ (ҳоло ДМТ) ва солҳои 1987-1988 дар Донишкадаи забони русӣ (ҳоло Донишгоҳи байналмилалии забонҳои ба номи С. Улуғзода) устоди забони форсӣ буд. Солҳои 1988-2004 котиби илмии Шурои табъунашр ва сипас котиби илмии Шуъбаи илмҳои ҷамъиятшиносии АИ Тоҷикистонро бар душ дошт. Номбурда аз моҳи феврали соли 2005 то апрели соли 2006 иҷрокунандаи вазифаи директори Институти забон ва адабиёти ба номи Рӯдакии АИ Ҷумҳурии Тоҷикистон ва аз апрели соли 2006 то соли 2020 дар Институти номбурда фаъолият кардааст. Аз Соли 2020 инҷониб дар Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон дар вазифаи ходими пешбари илмӣ кору фаъолият мекард.

Қодиров Ғиёсиддин дар тули умри бобаракати худ тавонистааст асарҳои зиёдеро монанди «Персидский исторический роман Зейн Аль-Абедина Моа- тамана» «Орлиное гнездо» (1977), «Современный персидский исторический роман» (Душанбе: Дониш, 1982). «Театри Афғонисгон» (Душанбе: Дониш, 1988) таҳияи ашъори баргузидаи Шаҳриёр (Душанбе, 1982), таҳияи намунаи ҳикояҳои форсӣ бо номи «Ҳикояҳои ширин» (Душанбе: 2008) ва таҳияи намунаҳои шеъри муосири форсӣ зери унвони «Корвони гулҳо» ва зиёда аз 100 мақолаҳои илмиро ба нашр расонидааст.

Дар бораи хоксорӣ ва самимияти беолоиши Ғиёсиддин Қодиров метавон саҳифаҳои зиёдеpo бахшид. Танҳо ҳаминро гуфтанием, ки муҳаббати ӯ ба одамон беандоза буд. Барои дастовардҳои илмӣ ва заҳмати пайваста дар ин ҷода бо ифтихорномаҳо ва соли 2024 ба гирифтани Ҷоизаи Академик Муҳаммад Осимӣ сазовор гаштааст.

Рӯҳатон шод ва маъвои охирататон обод бод Устоди гиромиқадр!

Тамоми мардуми Тоҷикистон аз марги фоҷеабори Сарвари Ҷумҳурии Исломии Эрон муҳтарам Сайид Иброҳим Раисӣ ва ҳайати ҳамроҳонашон сахт андуҳгин шуданд. Воқеан дар замони роҳбарии ӯ муносибатҳои дӯстонаи Тоҷикистону Эрон аз нав барқарор гардида, дӯстиву барод

AMIT — Mon, 20 May 2024 11:51:37 +0000

Таъзия

Тамоми мардуми Тоҷикистон аз марги фоҷеабори Сарвари Ҷумҳурии Исломии Эрон муҳтарам Сайид Иброҳим Раисӣ ва ҳайати ҳамроҳонашон сахт андуҳгин шуданд. Воқеан дар замони роҳбарии ӯ муносибатҳои дӯстонаи Тоҷикистону Эрон аз нав барқарор гардида, дӯстиву бародарии миллатҳои ҳамнажоду ҳамзабону ҳамдину ҳамфарҳангамон боз ҳам рушду равнақ ёфтанд. Дар робита ба ин изҳори тасалияти роҳбарият ва ҳайати олимону академикони Академияи миллии илмҳои Тоҷикистонро ба хонаводаҳои шаҳидон ва ба тамоми мардуми ҳамнажоду ҳамзабонамон мерасонем!

Рӯҳи гузаштагон шоду ҷояшон ҷаннат бошад!

Академияи миллии илмҳои Тоҷикистон