Семинари илмӣ

БАРГУЗОРИИ АВВАЛИН СЕМИНАРИ ИЛМИИ ҶУМҲУРИЯВӢ ДАР БОРАИ МАНБАЪҲОИ БАРҚАРОРШАВАНДАИ ЭНЕРГИЯ

AMIT — Sat, 01 Nov 2025 06:00:07 +0000

БАРГУЗОРИИ АВВАЛИН СЕМИНАРИ ИЛМИИ ҶУМҲУРИЯВӢ ДАР БОРАИ МАНБАЪҲОИ БАРҚАРОРШАВАНДАИ ЭНЕРГИЯ AMIT Sat, 11/01/2025 - 11:00

Бо ташаббуси Академияи миллии илмҳои Тоҷикистон бо ҳадафи таҳқиқи ҳамаҷонибаи манбаъҳои барқароршавандаи энергия, ҳамсон кардан фаъолият ва ҳамгиро сохтани таҳқиқоти олимони тоҷик дар соҳаи энергияи алтернативӣ семинари ҳармоҳаи ҷумҳуриявӣ ташкил карда шуд, ки чорабинии аввалини он рӯзи 31 октябри соли 2025 бо ҳузури мутахассисони шинохтаи соҳаи энергетикаи кишвар баргузор гардид.

Семинари илмиро доктори илмҳои физикаю математика, узви вобастаи АМИТ Умархон Мадвалиев ифтитоҳ карда, мақсаду ҳадафҳои онро ба ҳозирон расонид. Баъдан, доктори илмҳои техникӣ, ноиби президенти АМИТ Амонзода Илҳом Темур сухан ронда, зарурати рӯй овардан ба манбаъҳои барқароршавандаи энергия, тамоюлҳои соҳа дар ҷаҳон ва Тоҷикистон, инчунин баромадан аз бӯҳрони энергетикӣ ва нақши энергияи офтобиву бодиро таъкид кард.

Дар доираи семинари илмӣ ду маърӯза шунида шуд. Унвонҷӯи Институти физикаю техникаи ба номи С. У. Умарови АМИТ Қудусов Мансурҷон дар бораи усулҳои бисёркритериявии муайян намудани минтақаҳои манбаъҳои барқароршавандаи энергия дар Тоҷикистон маърӯза карда, дар бораи минтақаҳои аз нигоҳи техникиву иқтисодӣ қулай маълумот дод.

Дар идома унвонҷӯи Институти физикаю техникаи ба номи С. У. Умарови АМИТ Маҳмудов Беҳрӯз зарурати истифодаи боми биноҳои Тоҷикистонро барои насби лавҳаҳои офтобӣ асоснок карда, нишондиҳандаҳои техникиву иқтисодии онро ба намоиш гузошт.

Дар интиҳо байни донишмандону мутахассисон мубоҳисаи илмӣ сурат гирифта, иштирокдорони семинар фикру мулоҳизаҳои худро баён доштанд.

Amit.tj Пешбурди сиёсати илми кишвар

Моро пайгирӣ намоед: Telegram, Facebook, Instagram, YouTube

Print

РАВОБИТИ СИЁСӢ ВА ИҚТИСОДИИ АФҒОНИСТОН БО КИШВАРҲОИ ОСИЁИ МАРКАЗӢ ДАР 4 СОЛИ ОХИР ВА МАВҚЕИ ТОҶИКИСТОН

AMIT — Tue, 29 Jul 2025 15:52:44 +0000

РАВОБИТИ СИЁСӢ ВА ИҚТИСОДИИ АФҒОНИСТОН БО КИШВАРҲОИ ОСИЁИ МАРКАЗӢ ДАР 4 СОЛИ ОХИР ВА МАВҚЕИ ТОҶИКИСТОН AMIT Tue, 07/29/2025 - 20:52

Семинари илмӣ

Имрӯз, 30 июл дар толори Раёсати Академияи миллии илмҳои Тоҷикистон семинари илмӣ дар мавзуи "Равобити сиёсӣ ва иқтисодии Афғонистон бо кишварҳои Осиёи Марказӣ дар 4 соли охир ва мавқеи Тоҷикистон" баргузор гардид.

Дар семинар президенти Академияи миллии илмҳои Тоҷикистон, академик Хушвахтзода Қобилҷон Хушвахт, саркотиби илмии Академияи миллии илмҳои Тоҷикистон Қосимшо Искандаров ва дигар олимону кормандон иштирок ва суханронӣ намуданд.

Таъкид гардид, ки Ҷумҳурии Тоҷикистон дар тӯли давраи беш аз 34-солаи Истиқлоли давлатӣ ҳамеша ҷонибдори аз роҳи сиёсӣ ҳаллу фасл намудани буҳрони Афғонистон буда, ҳама гуна мудохила дар корҳои дохилии Афғонистон ва зуровариро маҳкум кардааст.

Дар ин замина Пешвои миллат муҳтарам Эмомалӣ Раҳмон таъкид намуданд, ки барои ҳалли фаврии мушкилоти сиёсиву амниятии кишвари ҳамсоя бояд ҳарчи тезтар як Ҳукумати фарогири инклюзивӣ бо иштироки ҳамаи ақалиятҳои миллӣ пеш аз ҳама тоҷикони Афғонистон, ки зиёда аз 46 фоизи мардуми ин кишварро ташкил медиҳанд, таъсис дода шавад. Таъкиди Чаноби Олӣ маҳз таъсиси ҳукумати инклюзивӣ бо роҳи гуфтушунид ва бо мақсади расидан ба як сулҳи устувор аст.

Гуфта шуд, ки бо ҳама мушкилоти мавҷуда нигоҳ накарда, Тоҷикистон барои расонидани ёрии башарӣ ба мардуми Афғонистон омодагии худро изҳор намуд, роҳҳои тиҷорати ва гузаргоҳҳо ба таври муътадил кор мекунанд, бозорҳои сарҳадӣ ҳафтае ду бор кор мекунад, интиқоли барқ ба Афғонистон қатъ нашудааст. Яъне на ба Тоҷикистон ҳеҷ гуна фишорро ҳукумати Афғонистон ва мардуми он раво намебинад. Ҳадафи ягона ин аст, ки роҳҳои барқарории сулҳи пойдор дар Афғонистон бо роҳи гуфтушунид пайдо шавад, зеро дар тамоми давраи соҳибистиқлолӣ амнияти Тоҷикистон аз самти Афғонистон осебпазир будааст.

Amit.tj Пешбурди сиёсати илми кишвар

Моро пайгирӣ намоед: Telegram, Facebook, Instagram, YouTube

Print

Санаи 20-уми марти соли ҷорӣ дар Институти математикаи ба номи А.Ҷураеви АМИТ семинари илмӣ бахшида ба "Ҷашни умумимиллӣ Наврӯз-меъроси таърихии халқи мо" баргузор гардид.

AMIT — Thu, 20 Mar 2025 09:22:47 +0000

Санаи 20-уми марти соли ҷорӣ дар Институти математикаи ба номи А.Ҷураеви АМИТ семинари илмӣ бахшида ба "Ҷашни умумимиллӣ Наврӯз-меъроси таърихии халқи мо" баргузор гардид. AMIT Thu, 03/20/2025 - 14:22

Семинари илмӣ

Семинарро директори Институти математикаи ба номи А.Ҷӯраеви АМИТ н.и.ф.м. Раҳимзода А.О. ҳусни оғоз бахшида, оиди Наврӯзи оламафрӯз ва арҷу гироми доштани он ва бузургтарин ҷашни миллию фарҳангии мо ба ҳисоб рафтанаш маърӯзаи пурмазмун намуданд.Инчунин, тамоми кормандон ва халқи тоҷикро бо ин Ҷашни Наврӯзи Аҷам, ки дар тӯли асрҳои зиёд аз шимоли Чин то марзҳои Аврупо халқияту миллатҳои гуногун, аз ҷумла халқиятҳои Осёи марказӣ бо самимият ва меҳру муҳаббати хоса ҷашн мегиранд, муборакбод намуд.

Дар рафти семинар инчунин мудирони шуъба д.и.ф.м. Ҷагибеков Гулхоҷа, н.и.ф.м. Назрублоев Н.Н. ва устоди пуртаҷриба Шарифзода А. бо маърузаҳояшон "Наврӯз куҳантарин ойини миллӣ дар ҷаҳон","Наврӯз шоҳсутун тоҷикон" баромад намуданд.

Дар семинар олимон,ходимони илмии инстиут ва магистрону доктарантон иштирок варзиданд.

Наврӯзи навбаҳорон бар дӯстон муборак,

Фарёди андалебон бар гулситон муборак.

Бар булбулони мактаб таълими илму дониш,

Орзуи рӯзи шодӣ бар кудакон муборак.

Amit.tj Пешбурди сиёсати илми кишвар

Моро пайгирӣ намоед: Telegram, Facebook, Instagram, YouTube

Print

СЕМИНАРИ ИЛМӢ-АМАЛӢ БАХШИДА БА “СОЛИ 2025 – СОЛИ БАЙНАЛМИЛАЛИИ ҲИФЗИ ПИРЯХҲО“ ВА “21 МАРТ – РӮЗИ БАЙНАЛМИЛАЛИИ ҲИФЗИ ПИРЯХҲО”

AMIT — Thu, 20 Mar 2025 08:21:45 +0000

СЕМИНАРИ ИЛМӢ-АМАЛӢ БАХШИДА БА “СОЛИ 2025 – СОЛИ БАЙНАЛМИЛАЛИИ ҲИФЗИ ПИРЯХҲО“ ВА “21 МАРТ – РӮЗИ БАЙНАЛМИЛАЛИИ ҲИФЗИ ПИРЯХҲО” AMIT Thu, 03/20/2025 - 13:21

Семинари илмӣ

20 марти 2025 дар Институти омӯзиши масъалаҳои давлатҳои Осиё ва Аврупои АМИТ Семинари илмӣ-амалӣ бахшида ба “Соли 2025 – соли байналмилалии ҳифзи пиряхҳо“ ва “21 март – Рӯзи байналмилалии ҳифзи пиряхҳо” баргузор гашт. Ин чорабинӣ бо ибтикор ва аз ҷониби Директори Институти омӯзиши масъалаҳои давлатҳои Осиё ва Аврупои АМИТ Ҳайдарзода Рустам ифтитоҳ гардид.

Сипас гардонандаи семинари илмии мазкур ходими калони илмии институт Давлатов З.А. мизи мудаввар чорабиниро пеш бурданд. Сарходими илмии шуъбаи Осиёи Ҷанубӣ ва Шарқии Институт Қурбонова Ш. дар мавзуи “Даҳ омили обшавии пиряхҳо”, Сарходими илмии шуъбаи ШМА ва Канадаи Институт, доктори илмҳои сиёсӣ Каримов Ш.Т. дар мавзуи “Муҳофизати пиряхҳо ҳифзи ҳаёти инсон аст: ҷанбаҳои сиёсии масъала”, сарходими илмии шуъбаи Шарқи Миёна ва Наздики Институт, доктори илмҳои ҳуқуқшиносӣ Сангинзода Д.Ш. дар мавзуи “2025 – соли байналмилалии ҳифзи пиряхҳо: ташаббуси ҳуқуқии байналмилалии Тоҷикистон ва дурнамои танзими ҳуқуқӣ”, мудири шуъбаи ШМА ва Канадаи Институт, номзади илмҳои сиёсӣ Дороншоева Н.Ш. дар мавзуи “Хатари обшавии пиряхҳо дар Осиёи Марказӣ ва таъсири он барои амнияти минтақа”, ходими пешбари илмии шуъбаи Аврупои Институт, номзади илмҳои филологӣ Мадимарова Г. дар мавзуи “Нигоҳе ба ташаббусҳои Тоҷикистон оид ба ҳифзи пиряхҳо дар таҳлил ва гузоришҳои ҷаҳонӣ” ва дигарон маърузаи илмӣ намуданд. Сипас кормандони дигари Институт дар музокирот фикру андешаҳои худро иброз намуданд.

Amit.tj Пешбурди сиёсати илми кишвар

Моро пайгирӣ намоед: Telegram, Facebook, Instagram, YouTube

Print

ТАЁРӢ БАРОИ ДИФОИ РИСОЛАИ НОМЗАДӢ ДАР ИНСТИТУТИ МАТЕМАТИКАИ БА НОМИ А.ҶӮРАЕВИ АКАДЕМИЯИ МИЛЛИИ ИЛМҲОИ ТОҶИКИСТОН

AMIT — Tue, 18 Mar 2025 11:18:42 +0000

ТАЁРӢ БАРОИ ДИФОИ РИСОЛАИ НОМЗАДӢ ДАР ИНСТИТУТИ МАТЕМАТИКАИ БА НОМИ А.ҶӮРАЕВИ АКАДЕМИЯИ МИЛЛИИ ИЛМҲОИ ТОҶИКИСТОН AMIT Tue, 03/18/2025 - 16:18

Семинари илмӣ

Санаи 18-уми матри соли ҷорӣ дар Институти математикаи ба номи А.Ҷӯраеви Академияи Миллии Илмҳои Тоҷикистон семинари умумиинститутӣ баргузор гардид.

Дар семинар корманди илмии Институт Раҳмонов Достон Давронович, доктаранти(PhD) курси сеюми Институт Мероҷова М.М ва аспиранти хатмкардаи Институт Хотамова Р.Л. таҳти роҳбарии академик Раҳмонов Зарулло Хусейнович ва д. и. ф. м. Хайруллоев Шамсулло Амруллоевич бо мавзӯъҳои илмиашон баромад намуданд.

Раҳмонов Д.Д. бо мавзӯъи “Асимптотическая формула в обобщении тернарной проблемы Гольдбаха с почти равными слагаемыми” ва Хотамова Р.Л. бо мавзӯъи “Короткие тригонометрические суммы с простыми числами”, инчунин Мероҷова М.М бо мавзӯъи илмиаш “Асимптотическая формула для числа целых точек в области ограниченной кривой Фермы чётного порядка.” баромад намуданд.

Дар семинар олимон, докторон ва ходимони илмӣ ва инчунин магистрону доктарантон иштирок варзиданд.

Amit.tj Пешбурди сиёсати илми кишвар

Моро пайгирӣ намоед: Telegram, Facebook, Instagram, YouTube

Print

СЕМИНАРИ ИЛМӢ ДАР ИНСТИТУТИ БОТАНИКА

AMIT — Wed, 26 Feb 2025 13:26:57 +0000

СЕМИНАРИ ИЛМӢ ДАР ИНСТИТУТИ БОТАНИКА AMIT Wed, 02/26/2025 - 18:26

Семинари илмӣ

25 феврали соли равон дар Институти ботаника, физиология ва генетикаи растании Академияимиллии илмҳои Тоҷикистон семинари илмӣ баргузор карда шуд.

Дар семинар раиси Шуъбаи илмҳои биология, д.и.б., профессор Мирзораҳимзода А.К., маъмурият, мудиронишуъба ва озмоишгоҳҳо, кормандони илмии Институт иштирок карданд.

Рисолаи илмии ходими калони илмии Озмоишгоҳи бехатарии биологӣ, Баротов С.С. дар мавзуи «Молекулярно-генетическийанализ ГМО в продуктах растительного происхождения» барои дарёфти дараҷаи номзади
илмҳои биологӣ аз рӯи ихтисоси 03.02.07-Генетика ва рисолаи илмии ходими хурди илмии Озмоишгоҳи биохимияи фотосинтез, Шарипова Х. дар мавзуи «Эколого-физиологические особености мягкой пшеницы из мировой коллекции в условиях Таджикистана» барои дарёфти дараҷаи номзади илмҳоибиологӣ аз рӯи ихтисоси “03.02.08– Экология (илмҳои биологӣ)” мавриди муҳокима қарор дода шуд.

Баъди ислоҳи баъзе эроду пешниҳодҳоимутахассисони соҳа рисолаҳои омодашудаи олимони ҷавони Институт барои дифоъ дар Шурои диссертатсионии 6D.KOA-033-и назди Институт тавсия дода шуд.

Amit.tj Пешбурди сиёсати илми кишвар

Моро пайгирӣ намоед: Telegram, Facebook, Instagram, YouTube

Print

26 феврали соли равон дар Институти математикаи ба номи А.Ҷӯраеви Академияи миллии илмҳои Тоҷикистон семинари умумиинститутӣ баргузор гардид.

AMIT — Wed, 26 Feb 2025 13:24:46 +0000

26 феврали соли равон дар Институти математикаи ба номи А.Ҷӯраеви Академияи миллии илмҳои Тоҷикистон семинари умумиинститутӣ баргузор гардид. AMIT Wed, 02/26/2025 - 18:24

Семинари илмӣ

Дар семинар доктори илмҳои математика ва физика Қурбонов И. бо мавзуи илмиашон баромад намуданд, ки дар он докторон,ходимони илмӣ, магистрон ва доктарантон иштирок варзиданд.

Amit.tj Пешбурди сиёсати илми кишвар

Моро пайгирӣ намоед: Telegram, Facebook, Instagram, YouTube

Print

СЕМИНАРИ ИЛМӢ ДАР ИНСТИТУТИ МАТЕМАТИКАИ АМИТ

AMIT — Wed, 19 Feb 2025 15:22:07 +0000

СЕМИНАРИ ИЛМӢ ДАР ИНСТИТУТИ МАТЕМАТИКАИ АМИТ AMIT Wed, 02/19/2025 - 20:22

Семинари илмӣ

Имрӯз 19.02.2025 дар Институти математикаи ба номи А.Ҷураеви АМИТ семинари илмии умумиинститутӣ баргузор гардид.

Дар семинар муаллими калони кафедраи геометрия ва математикаи олии факултаи математика ва информатикаи ДДОТ ба номи С. Айнӣ Авезов Раҷабек Ҳасанович дар мавзуи "Истифодаи усули декомпозитсияи Адомян дар ҳалли муодилахои касрӣ - диффернесиалии ғайрихатии дорои ҳосилаҳои хусусӣ" баромад намуданд.

Дар семинар устодон ва олимони соҳибмактаб ва ходимони илмӣ ва инчунин магистрон иштирок варзиданд.

Amit.tj Пешбурди сиёсати илми кишвар

Моро пайгирӣ намоед: Telegram, Facebook, Instagram, YouTube

Print

СЕМИНАРИ ИЛМӢ ДАР ИНСТИТУТИ ФАЛСАФА, СИЁСАТШИНОСӢ ВА ҲУҚУҚИ АМИТ

AMIT — Tue, 18 Feb 2025 15:15:59 +0000

СЕМИНАРИ ИЛМӢ ДАР ИНСТИТУТИ ФАЛСАФА, СИЁСАТШИНОСӢ ВА ҲУҚУҚИ АМИТ AMIT Tue, 02/18/2025 - 20:15

Семинари илмӣ

Имрӯз 18 феврали соли 2025 бо ташаббуси Шуъбаи таърихи фалсафаи Институти фалсафа, сиёсатшиносӣ ва ҳуқуқи ба номи А.Баҳовадинови АМИТ семинари илмӣ-назариявӣ дар мавзӯи Анъанагароӣ ва постмодернизм: нуқтаҳои ҳамгироӣ дар ҷомеа ва фарҳанги муосири миллӣ» баргузор гардид.

Семинари мазкур дар ҳошияи анъанаи шуъба баргузор гардида ба хотираи неки устодони шуъба А. Муҳаммадхочаев, Ғ. Ашуров, М. Диноршоев, М. Ҳазратқулов, Х. Додхудоев бахшида шудааст.

Дар семинари мазкур се гузориш аз ҷониби докторони илм Маҳмадҷонова М.Т. , Диноршоева М., Абдуҷалилов А. дар мавзуъҳои «Таъсири постмодерн ба самту равияҳои фалсафаи муосир», «Муқаррароти асосии методологияи постмодерн» ва «Таъсири фалсафаи постмодерн ба таҳаввули ҳуқуқ» шунида шуданд.

Гуфта шуд, ки фалсафаи муосири Аврупо дар заминаи танқиди фалсафаи классикӣ, махсусан фалсафаи Имануил Кант ва Ф. Гегел ташаккул ва нуму ёфта аст. Махсусан дар асри ХХ ин мавқеи танқидӣ муҳтавои ташаккули фалсафаҳои ба истилоҳ, ғайри классикӣ гардид ва муҳити фарҳангӣ ба ду шохаи асосӣ - сиентизм ва антисиентизм тақсим шуд.

Дар музокирот устодон Музаффарӣ М., Назариев Р., Олимов К., Ҷонбобоев С., Зиёӣ Х. баромад карда масъалаҳои матраҳшударо муҳокима намуданд.

Пешниҳод гардид, ки фалсафаи муосир, алалхусус постмодернизм ба таври васеъ омухта шавад, зеро ин зарурати доғи руз аст. Натиҷаи таҳқиқоти мазкур дар таҳлили масъалаҳои фарҳанг, ахлоқ, эстетика, инсоншиносӣ, фалсафаи иҷтимоӣ, масоили дин ва дунявият, ҳуқуқ, ҷомеашиносӣ ва ғ. истифода гардад.

Дар фарҷом иштирокчиёни семинар доир ба масъалаҳои матраҳгардида фикру ақидаҳои худро баён намуданд.

Amit.tj Пешбурди сиёсати илми кишвар

Моро пайгирӣ намоед: Telegram, Facebook, Instagram, YouTube

Print

Имрӯз (14.02.2025) бо ибтикори Маркази мероси хаттии назди Раёсати Академияи миллии илмҳои Тоҷикистон дар мавзуи "Таърихи нусхашиносӣ ва мактаби хаттотии Самарқанд" семинари илмӣ-назариявӣ баргузор гардид.

AMIT — Fri, 14 Feb 2025 15:12:02 +0000

Имрӯз (14.02.2025) бо ибтикори Маркази мероси хаттии назди Раёсати Академияи миллии илмҳои Тоҷикистон дар мавзуи "Таърихи нусхашиносӣ ва мактаби хаттотии Самарқанд" семинари илмӣ-назариявӣ баргузор гардид. AMIT Fri, 02/14/2025 - 20:12

Семинари илмӣ

Ҳамоишро муовини директор оид ба илм, н.и.ф. Ёраҳмадзода Ш. ифтитоҳ бахшида, мудири шуъбаи тавсиф ва таҳияи мероси хаттӣ, н.и.ф. Шарифов М. дар мавзуи фавқ маърузаи илмӣ ироа намуд.

Бояд зикр намуд, ки чунин семинару ҳамоишҳои илмӣ, тибқи нақша-чорабиниҳои тасдиқшуда, мунтазам идома намуда, масъалаҳои муҳимми фанни нусхашиносӣ, ҷамъоварии дастхатҳо, нигаҳдорӣ ва тавсифу таҳияи осори хаттӣ мавриди таҳлилу баррасӣ қарор дода мешаванд.

Amit.tj Пешбурди сиёсати илми кишвар

Моро пайгирӣ намоед: Telegram, Facebook, Instagram, YouTube

Print