20-уми ноябри соли равон дар Институти математикаи ба номи А.Ҷӯраеви Академияи миллии илмҳои Тоҷикистон семинари умумиинститутӣ баргузор гардид.
Дар семинар академики АМИТ, доктори илмҳои физика ва математика профессор Шабозов Мирганд Шабозович дар мазуъи "Неравенства типа Колмогорова для аналитических в круге функций принадлежащих пространству Харди" баромад намуданд.
Дар семинар устодон ва олимони соҳибмактаб, докторон, ходимони илмӣ, докторантон ва инчунин магистрон иштирок варзиданд.
14 ноябри соли 2024 дар асоси нақшаи-чорабиниҳои Маркази таҳқиқоти технологияҳои инноватсионии Академияи миллии илмҳои Тоҷикистон семинари илмӣ бахшида ба Рӯзи Президенти Ҷумҳурии Тоҷикистон баргузор гардид.
Саравал и.в. муовини директор оид ба илм ва таълими, номзади илмҳои техникӣ Раҳимов Фируз Акбарович ба кори семинар оғоз бахшида таманниёти неки президенти Академияи миллии илмҳои Тоҷикистон узви вобастаи АМИТ, профессор Хушвахтзода Қобилҷон Хушвахт-ро бахшида ба Рӯзи Президент ба аҳли кормандон расонида аз ҷумла қайд намуданд, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар Иҷлосияи XVI Шӯрои Олии Ҷумҳурии Тоҷикистон дар рӯзҳои аввали Роҳбари давлат интихоб шудан гуфта буданд «Ман ба шумо сулҳ меорам». Ин суханҳо умед ва боварии шаҳрвандонро ба ояндаи дурахшони Ватан ва зиндагии саодатмандона зинда кард. Воқеан, сулҳу субот дар кишвар бо осонӣ ба даст наомадааст. Дар ин раванд саҳми Сарвари давлат Пешвои миллат Эмомалӣ Раҳмон хеле бузург мебошад. Пешвои миллат Эмомалӣ Раҳмон дар арсаи байналмилалӣ ҳамчун шахси сулҳофару сулҳпарвар, сарҷамъкунандаи миллату мардумсолор, амалисозандаи заҳматҳои ояндабинона баҳри рушду нумӯъ ва ободии Ватан, фароҳам овардани шароити арзанда барои мардуми кишвар, ташаббускори ҳалли масъалаҳои глобалӣ шинохта шуданд.
Дар чорабинии илмӣ олимони муассиса аз ҷумла: Раиси олимони ҷавонон Миршариф М. дар мавзуи “Таҷлили рузи Президент-арҷгузорӣ ба хизматҳои Пешвои миллат”; Ходими калони илмӣ озмоишгоҳи “Технологияҳои компютерӣ” Норов И.Н. дар мавзуи “Иҷлосияи таърихии XVI-уми шӯрои Олии Ҷумҳурии Тоҷикистон”; Ходими калони илмӣ озмоишгоҳи “Маводшиносӣ” Раҳматуллоева Г.М. дар мавзуи “Рузи Президенти Ҷумҳурии Тоҷикистон – Ҷашни тоҷикон”; Ходими илмӣ озмоишгоҳи “Маркетинг ва ояндабинӣ” Рауфова Р.Р. дар мавзуи “Рузи Президенти Ҷумҳурии Тоҷикистон - Пешвои раҳнамои миллати мо”; н.и.тиб, ходими пешбари илмӣ озмоишгоҳи “Фарматсевтика ва пизишки таҷрибавӣ” Сагдиева Ш.С. дар мавзуи “День Президента Республики Таджикистан”, баромад намуда ба семинар фазои маънавӣ оростанд.
Бинобар ин, моро зарур аст, ки дар партави сиёсати ин абармарди таърих кору фаъолияти пурсамар намоем ва барои расидан ба ҳадафҳои судманди миллӣ аз тамоми имконот истифода намоем. Бигзор, хуршеди озодиву истиқлолият ба хонадони ҳар фарди кишвари маҳбубамон Тоҷикистон то абад файзу баракат ва нуру зиё бахшад.
Дар Институти омузиши масъалаҳои давлатҳои Осиё ва Аврупои АМИТ дар ҳамкорӣ бо Институти иқтисод ва демографияи АМИТ дар санаи 12 ноябри 2024 ба муносибати 32 солагии Иҷлосияи XXI-уми Шурои Олии Ҷумҳурии Тоҷикистон ва бахшида ба “16 ноябр-Рӯзи Президенти Ҷумҳурии Тоҷикистон” семинари муштараки илмӣ доир гашт. Чорабинии илмиро директори Институти омӯзиши масъалаҳои давлатҳои Осиё ва Аврупои АМИТ Ҳайдарзода Рустам Ҷӯра ҳусни оғоз бахшид.
Дар раванди семинари илмӣ нақши иҷлосияи XVI Шурои Олии Ҷумҳурии Тоҷикистон дар таърихи Тоҷикистони навин, рушди иқтисодии Тоҷикистон таҳти роҳбарии Президенти кишвар муҳтарам Эмомалӣ Раҳмон ва дигар масъалаҳо баррасӣ гардиданд. Ҳамчунин ходимони илмии Институт Л.Баротов, К.Камолов суханронӣ намуданд.
Имрӯз, дар Маркази таълимӣ ва омӯзишии Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон вобаста ба гузаронидани “Мониторинги радиоэкологӣ” дар баъзе минтақаҳои сайёҳӣ, семинари илмӣ-назариявӣ баргузор гардид.
Семинари мазкур таҳти роҳбарии академики АМИТ, Улмас Мирсаидов баргузор гардида, дар он унвонҷӯён, ходимони илмӣ ва кормандони Агентии амнияти ХБРЯ ва ва ходимони илмии Озмоишгоҳи коркарди ашёи хоми минералии Институти химияи ба номи В.И. Никитинаи АМИТ иштирок намуданд.
Чорабиниро академики АМИТ, Улмас Мирсаидов ифтитоҳ намуда, сараввал ҳамаи ҳозиринро бахшида ба Рӯзи Конститутсияи Ҷумҳурии Тоҷикистон табрику таҳният гуфта, оид ба аҳамияти ин санади олӣ суханронии пурмуҳтаво намуданд.
Сипас, дар идомаи чорабинӣ унвонҷӯёни Агентӣ, Насруллоев Асомудин вобаста ба натиҷаи таҳиқотҳои анҷомдода, дар мавзӯи “Хусусиятҳои хоси маъданҳои дорои уран дар кони Помири Шарқӣ” ва Раҳматшоев Самандар дар мавзӯи “Гузаронидани мониторинги радиоэкологӣ” дар маконҳои таърихӣ”, дар назди ҳозирин баромад намуда, мавзуи мазкурро шарҳу тавзеҳ доданд.
Дар ҷараёни семинар академик, Улмас Мирсаидов таваҷҷуҳи олимони ҷавонро ба омӯзиши илмҳои дақиқ ва забонҳои хориҷӣ ҷалб намуда, пешниҳод намуданд, ки минбад чунин семинарҳои илмӣ бо забонҳои русӣ ва англисӣ низ гузаронида шаванд.
Дар интиҳои чорабинӣ вобаста ба мавзуи баррасишуда, суолу ҷавоб сурат гирифта, иштирокчиён посухҳои мушаххас гирфтанд.
Дар семинар академики АМИТ, доктори илмҳои физика ва математика, профессор Илолов.М дар мазуъи "Обратные задачи для дробных дифференциальных уравнений" баромад намуданд, ки дар он докторон, ходимони илмӣ ва инчунин магистрон иштирок варзиданд.
Имрӯз (30.10.2024) тибқи нақша-чорабиниҳо бахшида ба 30 солагии қабули Конститутсияи Ҷумҳурии Тоҷикистон дар Институти кимиёи ба номи В.И. Никитини АМИТ семинари илмӣ-назариявӣ дар мавзӯъи "Конститутсия - бахтномаи миллат" баргузор гардид. Дар кори семинар маъмурият, кормандон ва магистрантону докторантон (PhD)-и Институт иштироки фаъол намуда, дар мавзӯъҳои гуногун доир ба ин санади тақдирсоз баромад карданд.
30-уми октябри соли 2024 дар Институти математикаи ба номи А.Ҷӯраеви Академияи миллии илмҳои Тоҷикистон семинари умумиинститутӣ баргузор гардид.
Дар семинар номзади илмҳои физика ва математика Раҳмонов Ф.З. дар мазуъи "Ведение в круговой метод" баромад намуданд, ки дар он докторон, ходимони илмӣ ва инчунин магистрон иштирок варзиданд.
16-уми октябри соли 2024 дар Институти математикаи ба номи А.Ҷӯраеви Академияи миллии илмҳои Тоҷикистон семинари умумиинститутӣ баргузор гардид. Дар семинар академики АМИТ, доктори илмҳои физика ва математика профессор, Раҳмонов З.Ҳ. ва доктори илмҳои физика ва математика Қобилов М. бо мавзуҳои илмиашон баромад намуданд, ки дар он докторон, ходимони илмӣ ва инчунин магистрон иштирок варзиданд.
Имрӯз (15.10.2024) соати 10:00 дар маҷлисгоҳи Институти ботаника, физиология ва генетикаи растании Академияи миллии илмҳои Тоҷикистон семинари илмӣ бо иштироки аъзои хориҷии АМИТ, профессори ифтихории ДДТТ ба номи Абӯалӣ ибни Сино, профессори Донишкадаи тиббии Донишгоҳи Париж (Фаронса) Масъуди Миршоҳӣ оид ба мавзӯи «Омӯзиши механизмҳои ҳуҷайравии эндометриоз дар ҷустуҷӯи муносибатҳои нави табобатӣ» (Исследование клеточных механизмов эндометриоза в поисках новых терапевтических подходов) барои кормандони муассисаҳои илмӣ-таҳқиқотии зертобеи Шуъбаи илмҳои биологияи Академияи миллии илмҳои Тоҷикистон бо ташабусси муовини президенти АМИТ, раиси Шуъбаи илмҳои биологияи АМИТ, доктори илмҳои биология, профессор Мирзораҳимзода А.К. ва директори Институти ботаника, физиология ва генетикаи растаниҳо, н.и.б. Бобозода Б.Б. баргузор карда шуд.
Дар семинари илмӣ директори Маркази инноватсионии биология ва тибби АМИТ, д.и.б., дотсент Сатторов Ҷ.С, мудири Озмоишгоҳи фармасевтика ва пизишки таҷрибавӣ, доктори илҳои тиб Шарофова М.У., кормандони илмии Институти зоология ва паразитологияи ба номи Е.Н. Павловсийи АМИТ ва кормандони Институти ботаника, физиология ва генетикаи растании АМИТ иштирок намуданд.
Ҳадафи асосии семинари илмӣ баррасии омӯзиши масъалаҳои мубрам ҳангоми истифодаи дастгоҳу таҷҳизотҳои муосир дар вақти таҳқиқи шираи узвҳои гуногуни растаниҳои шифобахш дар муолиҷаи касалиҳои саратон, тағйирёбии таркиби биохимиявию фармакологии растаниҳои шифобахш вобаста аз макони ҷойгиршавӣ ва вақти ҷамъоварии онҳо, хусусиятҳои физиологӣ ва биохимиявии растаниҳои шифобахш вобаста ба таъсири омилҳои биотикӣ ва абиотикии муҳити зист ба шумор меравад ва инчунин истифодаи усулҳои санҷиши маводҳои фаъоли биологии бадастовардашуда дар калламушҳои лабораторӣ мавриди баррасӣ қарор дода шуд.
Имрӯз (03.10.2024) дар маҷлисгоҳи Институти астрофизикаи АМИТ, семинари илмии “Системаи офтобӣ” гузаронида шуд. Семинари илмиро Узви вобастаи АМИТ, д.и.ф.-м. Қоҳирова Г.И. ҳусни оғоз бахшид.
Дар кори Семинар маърузаҳои зерин: «Первый свет от видеокамер для метеорных наблюдений в Таджикистане» ва «О возможном механизме распада родительской кометы астероидно – метеороидного комплекса дельта – Канкрид» дар асоси натиҷаҳои илмӣ баррасӣ гардиданд. Қайд кардан зарур аст, ки маърӯзаи аввал натиҷаҳои назарраси илмӣ, ки бевосита таҳти роҳбарии марҳум академик Бобоҷонов П.Б. дар асоси омӯзиши ҷирмҳои метеорӣ ва насби нозири метеорӣ дар Расадхонаи астрономии Ҳисор дар солҳои 80 – уми асри гузашта гирифта шудаанд, инчунин насби видеокамераҳои насли нав барои мушоҳидаи метеорҳо, ки дар боми бинои Институт ва Расадхонаи астрономии байналмиллалии Санглох дар соли 2024 насб гардидаанд, бахшида шуда буд.
Видеокамераҳои муосир бартарии худро нишон доданд, ки ин дар ду шаб ба қайд гирифтани 810 метор ва як болид нишонаи ин гуфтаҳост. Маърӯзаи дуюм дар асоси ҳисобҳои назариявӣ муайян менамояд, ки аз як ҷирми модарӣ дар 12 ҳазор сол 13 ҷирми хурди ба Замин наздикшаванда ба вуҷуд омадааст. Корҳои илмӣ аз тарафи ходимони илмии Институт хуб пазируфта шуда барои чоп тавсия дода шуд.