Дар доираи дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти тайёр намудани кадрҳои баландихтисос ва ҷалби наврасон ба омӯзиши илмҳои дақиқ ва риёзӣ ва дар пайрави аз ин сиёсат бо дастуру супоришҳои президенти Академияи миллии илмҳои Тоҷикистон , узви вобастаи АМИТ Хушвахтзода Қобилҷон Хушвахт имрӯз (27.11.2024) директори Институти математикаи ба номи А.Ҷӯраеви АМИТ н.и.ф.м. Раҳимзода А.О. аз МТМУ-и №67 ҷамоати Мирзо Турсунзодаи деҳаи Равшандилони н.Ҳисор дидан намуданд.
Бояд гуфт, ки ин муассиса бо дастгирии соҳибкор Мирзомуддинов А ва мардуми деҳот обод карда шуда, дорои 621 хонанда мебошад.
Масъулини Академияи миллии илмҳои Тоҷикистон бо хонандагони ин муассиса вохурӣ гузаронида, оиди аҳмияти фаннҳои дақиқ ва риёзӣ дар замони муосир ва пешрафти илму техника дар асри XXI қайд карда, оиди рӯ овардан ба илмҳои дақиқ як чанд тавсияҳои муфид доданд.
