Бо ташаббуси Институти тадқиқотии технологияи саноати биотиббии Гуанчжоу ҷиҳати роҳандозӣ ва тавсеаи ҳамкориҳои муштарак бо муассисаҳои илмӣ, таҳқиқотӣ ва истеҳсолии Ҷумҳурии Халқии Хитой дархост оид ба интихоби коршиносон ва муҳаққиқони тоҷик барои иштирок дар озмуни «QI MING», ки моҳи марти соли ҷорӣ аз ҷониби Вазорати саноат ва технологияҳои иттилоотӣ баргузор мегардад, ворид гардидааст.
Ҳадафи ин озмун дастгирии пажӯҳишҳои илмӣ байни корхонаҳои чинӣ ва коршиносони хориҷӣ ва мусоидат ба табодули технологӣ ва татбиқи онҳо дар истеҳсолот мебошад. Озмун асосан лоиҳаҳоро дар соҳаи технологияҳои иттилоотӣ (энергетикаи нав ва ғ. (аз ҷумла истеҳсоли батарея), технологияҳои иттилоотӣ (зеҳни сунъӣ, интернет, омӯзиши мошинсозӣ ва ғ.), чипҳо, материалшиносӣ ва технологияи кимиёвӣ, таҷҳизоти баландтехнологӣ, биотиббӣ (фармасевтӣ, таҷҳизоти тиббӣ ва ғ.), кишоварзӣ (парвариши ҷуворимакка, гандум, картошка ва ғ.) ва технологияи озуқаворӣ ва ғ. Мувофиқи талаботи лоиҳа ҳар як мутахассис метавонад ба озмун танҳо бо як корхонаи чинӣ ҳамкорӣ намояд. Мӯҳлати пешниҳоди лоиҳаҳо аз 1 март то 30 майи соли 2025. Арзёбии натиҷаҳои хулосаи комиссияи масъул аз моҳи сентябр то декабри соли ҷорӣ эълон хоҳад шуд. Корхонаҳо ва коршиносони ғолиб 1-2 миллион юан мегиранд (вобаста ба он мавзӯъ ва афзалиятнокии лоиҳа). Мӯҳлати татбиқи лоиҳа солҳои 2026-2029 мебошад. Маблағгузорӣ барои дастгирии муҳаққиқон, коршиносон, мутахассисон ва корхонаҳои ҳамкор дар самти табодули таҷриба, пешбурди таҳқиқот ва технология (дар тачрибаи мо одатан 50 фоизи маблаггузорй ба як тараф чудо карда мешавад). Дар марҳилаи аввал олимони тоҷик, ки таваҷҷуҳ ба кор дар доираи лоиҳаҳои мазкурро доранд, CV-и мукаммали худро ба забони англисӣ ба Раёсати робитаҳои байналмилалии илмии АМИТ (mirvaise@gmail.com) то 11 феврали соли 2025 дастрас намоянд ва дар сурати мувофиқат кардан ва интихоб гардидан, ба марҳилаи дуввум роҳ хоҳанд ёфт.
Маълумоти муфассал дар телеграми мо: https://t.me/akademia55
Рӯйхати ҳуҷҷатҳои зарурӣ барои иштирок дар марҳилаи 2-юми лоиҳаҳо (бо забони англисӣ)
1. Резюме (CV), бо нишондоди ному насаби пурра, ҷинс, санаи таваллуд, шаҳрвандӣ, ҷой таваллуд, таҷрибаи корӣ (кадом вақт дар кадом муассиса ва дар кадом вазифаҳо кор кардан), маълумот, дараҷаҳои илмӣ, унвони илмӣ (аз қабили узви Академияи илмҳо, профессор, дотсент, ходими калони илмӣ ва ғ.), соҳаи тадқиқот ва ғ.
2. Акс
3. Нусхаи шиносномаи хориҷӣ
4. Тасдиқи таҳсил (бакалавр, магистр, номзади илм, доктор ва ғ.)
5. Тасдиқи фаъолияти корӣ (вақти оғоз ва анҷоми кор, номи муассиса, вазифа, ӯҳдадориҳои корӣ ва саҳми шахсӣ, кори пурра ё нопурра)
6. Рӯйхати иштирок ё роҳбарӣ дар ҳама гуна лоиҳаҳо (вақти оғоз ва анҷоми лоиҳа, номи лоиҳа, манбаи лоиҳа, рейтинги мутахассисон дар лоиҳа, дастовардҳои лоиҳа, саҳми шахсӣ дар лоиҳа)
7. Рӯйхати корҳои илмӣ (китобҳо, мақолаҳо, гузоришҳо) ва нусхаи 10 кори муҳими илмӣ
8. Рӯйхати патентҳо(соли тасдиқи патент, номи патент, рейтинг, тавсифи мухтасари патентҳо ва саҳмҳои асосии инфиродӣ).
9. Рӯйхат ва нусхаи ҷоизаҳо (вақти гирифтани ҷоиза, номи ҷоиза, муассисае, ки ҷоизаро медиҳад, тавсифи аҳамияти ҷоиза).
10. Маълумотнома аз ҷои кор
11. Шаҳодатномаи дарҷаи унвони илмӣ (масалан, дотсент, профессор, номзади илм, доктори илм, узви Академияи илмҳо ва ғ.)
Институти кимиёи ба номи В.И. Никитини Академияи миллии илмҳои Тоҷикистон 4- адад.
