16 декабри соли равон дар толори Академияи миллии илмҳои Тоҷикистон Конференсияи илмӣ – назариявӣ Кумитаи иҷроияи ибтидоии “Хирадмандон” – и ҲХДТ дар Академияи миллии илмҳои Тоҷикистон баргузор гардид.

Конференсияро бо сухани табрикотӣ Раиси Кумитаи иҷроияи ибтидоии “Хирадмандон” – и АМИТ Хушвахтзода Қобилҷон Хушвахт ҳусни оғоз бахшида, иброз дошт, ки 10 -уми декабр соли равон аз таъсисёбии Ҳизби Халқии Демократии Тоҷикистон, ки имрӯз дар ҷомеа ба ҳайси “Ҳизби ҳоким”, “пешоҳанги ҷомеа” ба ҳисоб меравад, 30 сол сипарӣ мешавад.

Таъкид гардид, ки 30 – сол муқаддам Ҳизби Халқии Демократии Тоҷикистон бо мақсади муттаҳид намудани қишрҳои мухталифи ҷомеа ва ба ҳам овардани онҳо зери як мафкураи созанда созмон ёфт, ки баъдан вобаста ба таҳавуллоти сиёсии кишвар унвони Ҳизби Халқии Демократии Тоҷикистон – ро ба худ касб намуд.

Тавре Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон дар Паёми табрикотии худ ба муносибати 26 – солагии ҳизб таъкид карда буданд: “Ҳизби Халқии Демократии Тоҷикистон ҳамчун зодаи даврони Истиқлоли кишвар бо мақсади ифодаи азму иродаи мардуми шарифи Тоҷикистон таъсис ёфта, маҳз бо рисолати мардумсолорӣ, сулҳу оромӣ, суботи сиёсӣ, ваҳдати миллӣ, созандагию бунёдкорӣ ва тарғиби ғояҳои бузурги ватандӯству худшиносӣ дар ҷомеа мавқеи сазоворӣ худро пайдо намуд”.

Дар идомаи конфронс Раиси КИ ҲХДТ дар ноҳияи Шоҳмансур Каримзода Нилуфар, Раиси Шурои собиқадорони Ҳизби Халқии Демократии Тоҷикистон Қурбонова Руқия, муовини Раиси Шурои собиқадорони Ҳизби Халқии Демократии Тоҷикистон Давлаталӣ Давлатзода, собиқадори ҲХДТ, аввалин Раиси КИ ҲХДТ дар ноҳияи Шоҳмансур Валаматзода Темур, мудири Шуъбаи занони КИ ҲХДТ дар шаҳри Душанбе Фазилатпочои Маҳмадюсуф суханронӣ намуда, аз таърихи таъсиси Ҳизби Халқии Демократии Тоҷикистон ва азму талошҳои Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон ба иштирокдорони конфронс маълумотҳои муфассал доданд.

16 декабри соли равон таҳти Раёсати президенти Академияи миллии илмҳои Тоҷикистон, узви вобастаи АМИТ Хушвахтзода Қобилҷон Хушвахт ҷаласаи назоратӣ баргузор гардид. Дар ҷаласа як қатор масъалаҳои мубраму саривақтӣ дар соҳаи илм баррасӣ гардиданд.

Бо мақсади дар сатҳи заруррӣ ба роҳ мондани фаъоляти корӣ дар муассисаҳои илмию таҳқиқотӣ як қатор масъалаҳо дар маҷлиси назоратӣ баҳри тараққиёту пешрафти соҳаи илми кишвар баррасӣ гардида, инчунин масъулин вазифадор гардиданд, ки дастру супоришҳои Ҳукумати Ҷумҳурии Тоҷикистонро саривақтӣ иҷро намоянд. Ҳамзамон таъкид гардид, ки тибқи дастур ва супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон омӯзиши забонҳои хориҷӣ дар байни олимону кормандон хуб ба роҳ монда шавад.

Ҳамзамон дар ҷаласа доир ба фарҳанги миллӣ ва урфу одатҳои тамаддуни халқи тоҷик, сару либоси миллӣ, дурӣ ҷустан аз фарҳангу урфу одатҳои бегона, таблиғу ташвиқи сару либоси миллӣ, ба роҳ мондани корҳои фаҳмондадиҳӣ миёни мардум масъалаҳое буданд, ки зимни ҷаласа баррасӣ гардиданд.

Дар идомаи ҷаласа ноибони президенти Академияи миллии илмҳои Тоҷикистон фаъолияти яксолаи шуъбаҳоро натиҷагирӣ намуда, ҳисоботи муфассали хешро пешниҳод намуданд. Дар маҷмуъ зикр гардид, ки натиҷаҳои илмии муассисаҳои илмӣ – таҳқиқотӣ дар соли 2024 нисбат ба солҳои гузашта бартарият дорад.

Ҳамзамон дар самти иҷрои дастуру супоришҳои Пешвои муаззами миллат муҳтарам Эмомалӣ Раҳмон оид ба “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” барои солҳои 2020-2040 президенти Академияи миллии илмҳои Тоҷикистон, узви вобастаи АМИТ Хушвахтзода Қобилҷон Хушвахт дастурҳои мушаххас дода, таъкид намуданд, ки дар ин самт мо бояд корҳои муҳимро ба сомон расонида, дар омода намудани кадрҳои баландихтисос дар риштаҳои магистратура, аспирантура ва докторантураи PhD тадбирҳои саривақтӣ андешем.

Ҷомеаи ҷаҳонӣ хуб дарк мекунад, ки коҳиш ва харобшавии минбаъдаи манбаъҳои обҳои ошомиданӣ дар сайёра метавонад аҳли башарро ба фалокатҳои зиёди ҷонӣ, иҷтимоӣ ва иқтисодӣ дучор намояд.

Аз ин лиҳоз, ба ҷомеаи ҷаҳонӣ лозим меояд, ки барои ҳалли ин масоили глобалӣ ҳарчи зудтар чораҳои зарурии муштаракро таҳия ва татбиқ намояд.

Мо хушҳол аз онем, ки ташаббуси мо бо дарки масъулият аз ҷониби ҷомеаи ҷаҳонӣ пуштибонии ҳаматарафа ёфт.

Пешвои муаззами миллат муҳтарам Эмомалӣ Раҳмон

Ғамхорӣ нисбат ба ятимону бепарасторон ва фарзандони оилаҳои камбизоат дар сиёсати иҷтимоии Ҳукумати Ҷумҳурии Тоҷикистон ҷойгоҳи махсус дошта, барои беҳтар намудани шароити таҳсил ва зиндагии онҳо пайваста тадбирҳои зарурӣ ва самарабахш андешида мешаванд.

Эмомалӣ Раҳмон - Emomali Rahmon

Дастгирии ятимону бепарасторон, маъюбону ниёзмандон, оростани дастархони идонаву супоридани туҳфаҳои гуногун ба онҳо дар арафаи ҳар иду айём аз иқдомҳои ҳамешагии Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад. Чуноне Пешвои миллат муҳтарам Эмомалӣ Раҳмон иброз медоранд: "Ғамхорӣ дар ҳаққи ятимон ва дароз кардани дасти хайру сахо ба онҳо вазифаи ҳар як фарди бонангу номус ва шахсони саховатпеша мебошад".

Имрӯз (14.12.2024) тибқи дастуру супоришҳои президенти Академияи миллии илмҳои Тоҷикистон, узви вобастаи АМИТ Хушвахтзода Қобилҷон Хушвахт бо ибтикори Иттифоқи касабаи Институти фалсафа, сиёсатшиносӣ ва ҳуқуқи АМИТ, ҷиҳати дар амал татбиқ намудани дастуру ҳидоятҳои Пешвои муаззами миллат муҳтарам Эмомалӣ Раҳмон оид ба дастгирии ятимону бепарасторон барои аёдат ба Мактаб-интернати - и ноҳияи Ҷалолиддини Балхӣ рафтанд.

Дар ин муассиса, кӯдакони ятими кул ва нимятимон, инчунин фарзандон аз оилаҳои ниёзманд ба таълиму тарбия фаро гирифта шудаанд.

Омӯзгорону мураббияҳои хонаи бачагони Мактаб-интернати бо дарки ин ҳақиқат пайваста талош доранд, ки рисолати худро бо масъулияти баланд иҷро намуда, дар таълиму тарбияи кӯдакон ва шукуфоии ҷомеа саҳми босазо гузоранд.

Ҳар яки мо бояд ҳамчун пайравони асили Пешвои муаззами миллат муҳтарам Эмомалӣ Раҳмон бошему амалҳои хайрхоҳона ва инсондӯстонаи Пешвои муаззами миллатро сармашқи кори худ қарор диҳем.

Боиси тазаккур аст, ки бо роҳнамоӣ ва ташаббуси президенти Академияи миллии илмҳои Тоҷикистон узви вобастаи АМИТ, муҳтарам Хушвахтзода Қобилҷон Хушвахт дар доираи фаъолияти Шурои олимони ҷавони АМИТ курси “Сарварони сиёсӣ” ба роҳ монда шудааст.

Вобаста ба ин, санаи 13 декабри соли 2024 зимни нишасти панҷумини ин иқдом дар толори Шурои олимони Институти омӯзиши масъалаҳои давлатҳои Осиё ва Аврупои АМИТ бо иштироки муовини Раиси шаҳри Душанбе муҳтарама Одилзода Дилбар дар мавзуи “ Душанбе- қалби Тоҷикистон ва шаҳри сулҳу дӯстӣ” хониши сиёсӣ баргузор гардид.

Дар раванди ҷамъомад, инчунин муовини президенти АМИТ Собирзода Нуралӣ, директори Институти омӯзиши масъалаҳои давлатҳои Осиё ва Аврупои АМИТ профессор Ҳайдарзода Рустам Ҷӯра ва Раиси Шурои олимони ҷавони АМИТ, н.и.ф., Зиёев Субҳиддин оид ба нақши шаҳри Душанбе дар баланд бардоштани ҳисси ватандӯстӣ ва ҳувияти баланди миллӣ,одобу фарҳанги шаҳрдорӣ сухан гуфтанд.

13 октябри соли равон таҳти Раёсати президенти Академияи миллии илмҳои Тоҷикистон, узви вобастаи АМИТ Хушвахтзода Қобилҷон Хушвахт ҷиҳати омодагиҳо барои аз аккредитатсияи байналимлалӣ гузаронидани Академияи миллии илмҳои Тоҷикистон ҷаласаи корӣ баргузор гардид.

Дар ҷаласа роҳбарияти академия ҷиҳати дар сатҳи баланд қабули меҳмонон ва омодагиҳо барои аз аккредитатсияи байналмилалӣ гузаронидани Академияи миллии илмҳои Тоҷикистон ба ноибону, директорони муассисаҳои илмию таҳқиқотӣ дастуру супоришҳои мушаххас доданд.

Зикр гардид, ки воқеан ҳам дар шароити имрӯз рушди илму техника ва табодули таҷриба миёни олимону муҳаққиқон натанҳо дар дохил балки дар сатҳи ҷаҳонӣ сурат мегирад, ки ин боиси пешрафт ва муваффақ гардидани худи олимон дар соҳаи илму фановарӣ аст.

Имрӯз равобиту ҳамкориҳои илмии Академияи миллии илмҳои Тоҷикистон бо муассисаҳои илмию таҳқиқотии кишварҳои хориҷ дар ҳоли рушду пешрафт аст. Вобаста ба ин роҳбарияти Академияи миллии илмҳои Тоҷикистон тасмим дорад, ки бо истифода аз мавҷудияти фароҳам овардани заминаи моддиву техникии муассисаҳои илмию таҳқиқотӣ Академияи миллии илмҳои Тоҷикистонро аз аккредитатсияи байналмилалӣ гузаронад.

Дар ин замина мутахассисон барои санҷиш ҷиҳати аз аккредитатсияи байналмилалӣ гузаронидани Академияи миллии илмҳои Тоҷикистон санаи 18-19 декабр дар Ҷумҳурии Тоҷикистон қарор хоҳанд дошт.

13 декбари соли равон президенти Академяи миллии илмҳои Тоҷикистон узви вобастаи АМИТ Хушвахтзода Қобилҷон Хушвахт бо муҳаққиқони ҷавоне, ки дар курсҳои хориҷӣ ҷиҳати пешбурди корҳои илмӣ таҳқиқотӣ ба таҷрибаомӯзӣ ҷалб гардида буданд вохурӣ намуд.

Зимни вохурӣ қайд гардид, ки ба омӯзиш фаро гарифтани ҷавонону муҳаққиқон аз ҷумлаи ҳадафҳои олии Ҳукумати Ҷумҳурии Тоҷикистон алалхусус Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад. Бояд гуфт, ки Академияи миллии илмҳои Тоҷикистон дар ҷумҳурӣ ягона ниҳодест, ки сиёсати илмии кишварро пеш мебарад. Дар робита ба ин олимону муҳаққиқонро зарур аст, ки дар ин самт корҳои илмию таҳқиқотиро ҷоннок намуда, кӯшиш намоянд, то ба дастовардҳои бузурги илмӣ ноил гарданд.

Таъкид гардид, ки солҳои охир бо сиёсати хирадмандонаи Пешвои муаззами миллат муҳтарам Эмомалӣ Раҳмон равобиту муносибатҳои дӯстона бо кишварҳои хориҷ барқарор гардиданд, ки дар заминаи ин садҳо нафар олимону муҳаққиқони ҷавон барои сайқал додани донишу таҷрибаи худ дар бонуфузтарин донишгоҳҳои хориҷи кишвар таҷриба меомӯзанд. Чун асри 21 асри техника ва технология эълон гардидааст. Дар доираи ин олимону муҳаққиқони мо бояд аз рушди бомайлони техникаву технолоияи навин дар канор намонда, дониши худро сайқал диҳанду дар самти ихтироот ба натиҷаи назаррасе ноил гарданд.

Гуфта шуд, ки як самти муҳими пешрафти техинкаву технология дар ҷомеаи муосир ин робототехника мебошад, ки рушди бесобиқа намуда истодааст. Мо бояд дар ин самт ҳарчи зудтар тадибрҳои нав андешида, барои амалӣ намудани корҳои илмӣ таҳққиқотӣ олимону муҳаққиқони ҷавонро барои омухтани таҷрибаомӯзӣ ба хориҷи кишвар сафарбар намоем. То дар оянда, дар ин самт ба натиҷаҳои бузурги илмӣ ноил гардем таъкид шуд дар вохурӣ бо муҳаққиқони ҷавон.