БАРНОМАИ МАЗКУР БО ТАШАББУСИ ПРЕЗИДЕНТИ АКАДЕМИЯИ МИЛЛИИ ИЛМҲОИ ТОҶИКИСТОН БАХШИДА БА РӮЗИ РӮДАКӢ ТАҲИЯ ГАРДИДААСТ.

11-уми сентябри соли 2024 дар Институти математикаи ба номи А.Ҷӯраеви Академияи миллии илмҳои Тоҷикистон семинари умумиинститутӣ баргузор гардид. Дар семинар доктори илмҳои физика ва математика Каримов Умед Хилолович бо мавзуи илмиашон баромад намуданд, ки дар он докторон, ходимони илмӣ ва инчунин магистрон иштирок варзиданд.

28 июли соли 2024 дар Институти математикаи ба номи А.Ҷӯраеви Академияи миллии илмҳои Тоҷикистон семинари умумиинститутӣ баргузор гардид.

Дар семинар номзади илмҳои физика ва математика Чориев Умедулло бо мавзуи илмиашон баромад намуданд, ки дар он докторон, ходимони илмӣ иштирок варзиданд.

20 августи соли 2024 дар Маркази инноватсионии биология ва тибби Академияи миллии илмҳои Тоҷикистон семинар баргузор гардид. Дар семинар доктори илмҳои биология академик Якубова М.М. оид ба дастовардҳои Марказ дар даврони истиқлол бадастоварда баромад намуданд, ки дар он ходимони илмӣ иштирок варзиданд.

Имрӯз дар Институти астрофизикаи Академияи миллии илмҳои Тоҷикистон семинари илмӣ дар мавзӯи “Дастовардҳои Институти астрофизикаи Академияи миллии илмҳои Тоҷикистон вобаста ба омӯзиши метеорҳо бо усули радиолакатсионӣ дар даврони Истиқлолият” баргузор гардид.

Семинарро директори Институти астрофизикаи АМИТ, номзади илмҳои физикаю математика Бӯризода А.М. оғоз бахшида, кормандонро бо фарорасии 33 – юмин солгарди Истиқлолияти Ҷумҳурии Тоҷикистон табрику таҳният гуфта, таманно намуд, ки саломатии кавӣ, саодатмандӣ дар фаъолияти меҳнатиатии ҳаррузаи пурсамарашон файзи зиёде ораду баҳри гулгулшукуфии кишвари маҳбубамон боз ҳам зебоиву пурнурӣ насиб гардонад.

Сипас ходими калони илмии Институт, номзади илмҳои физикаю математика Нарзиев М. дар мавзӯи “Дастовардҳои Институти астрофизикаи Академияи миллии илмҳои Тоҷикистон вобаста ба омӯзиши метеорҳо бо усули радиолакатсионӣ дар даврони Истиқлолият” баромад намуда, қайд намуд, ки дар Институти астрофизикаи Академияи миллии илмҳои Тоҷикистон мушоҳида ва таҳқиқи ҷирмҳои хурди Низоми офтобӣ аз қабили метеорҳо ва селҳои метеорӣ нақши калидӣ дорад.

Дар ин давра як зумра таҳқиқотҳои сатҳи ҷаҳонӣ анҷом дода шуда, натиҷаҳои назаррас ба даст оварда шудааст. Яке аз дастоварди муҳими даврони Истиқлолият дар соҳаи таҳқиқоти метеорҳо ва селҳои метеорӣ ин “Зиҷи радиантҳо, суръатҳо, мадорҳо ва параметрҳои физикавии радиометеорҳои Тоҷикистон” мебошад, ки дар Иттиҳоди байналмиллалии астрономҳои маркази маълумотии метеорҳо ҷойгир карда шудааст. Ин зиҷ тақрибан 9000 радиометеорҳоро дар бар мегирад ва аввалин зиҷи радиометеорҳо дар Иттиҳоди байналмиллалии астрономҳои маркази маълумотии метеорҳо ба ҳисоб меравад.

Пас аз анҷоми маъруза байни кормандони илмӣ баҳсу муҳокимаҳо сурат гирифт.

Санаи 15 августи соли ҷорӣ дар Маркази илмии Хатлони АМИТ тибқи протоколи 29 банди 11 аз 12 августи соли 2024, ба ифтихори 33-юмин солгарди Истиқлолияти давлатии Ҷумҳурии Тоҷикистон семинари илмӣ баргузор гардид.

Дар семинар кормандони Марказ ва омӯзгорони ДДК ба номи А.Рӯдакӣ иштирок намуданд.

Директори Марказ Бобоев М.Т. ва ходими калони илмӣ Ёқубов С.Б. Саҳми арзандаи пешвои миллатро барои ба даст овардани Истиқлолияти давлатӣ ва баланд бардоштани нуфузу эътибори Тоҷикистон дар арсаи ҷаҳонӣ иброз намуданд.

Имрӯз 14.08.2024 дар Институти математикаи ба номи А.Ҷӯраеви АМИТ семинар дар мавзӯъи “Дастовардҳои Институти математикаи ба номи А. Ҷӯраеви Академияи миллии илмҳои Тоҷикистон дар даврони Истиқлолият” баргузор гардид.

Семинарро директори Институти математика ба номи А.Ҷӯраеви АМИТ, номзади илмҳои физика ва математика Раҳимзода А.О. ҳусни оғоз бахшида, ҳаммаи кормандон ва ходимони илмиро бо фарорасии 33-юмин солгарди Истиқлолияти Ҷумҳурии Тоҷикистон табрику таҳният намуда, барояшон саломатӣ ва муваффақият дар корҳояшон таммано намуданд.

Инчунин, муовини директор оид ба илм ва таълими Институти математикаи ба номи А.Ҷӯраеви АМИТ, доктори илмҳои физика ва математика Каримов О.Х баромад намуда, дар бораи дастовардҳои

Институти математикаи ба номи А. Ҷӯраеви Академияи миллии илмҳои Тоҷикистон дар даврони Истиқлолият суханронӣ намуданд.

12 августи соли равон дар Маркази таҳқиқоти технологияҳои инноватсионии Академияи миллии илмҳои Тоҷикистон бахшида ба 33 - солагии Истиқлолияти давлатии Ҷумҳурии Тоҷикистон семинари илми дар мавзуи “Истиқлолият ва илми Тоҷикистон” баргузор гардид. Сараввал, директори Маркази таҳқиқоти технологияҳои инноватсионии Академияи миллии илмҳои Тоҷикистон, доктори илмҳои техникӣ Эшов Бахтиёр Бадалович ба кори семинар оғоз бахшида аз ҷумла қайд намуданд, ки Истиқлолият ва озодӣ барои мо рамзи ҳақиқии ифтихор аз шукуфоии Ватан ва ватандӯстӣ мебошад. Аз ҷумла, ба шарофати ин дастовард, яъне ба даст овардани истиқлолият, миллати тоҷик таҳти роҳбарии Асосгузори сулҳу ваҳдати миллӣ-Пешвои миллат, Президенти азизамон муҳтарам Эмомалӣ Раҳмон ба муваффақиятҳои назаррасе ноил гардид, ки дар таърихи халқи мо ҳамтои худро надоранд.

Дар чорабинии илм бахшида ба "33 - солагии Истиқлолияти давлатии Ҷумҳурии Тоҷикистон " олимон аз ҷумла н.и.т Наҷибуллои Р., н.и.тиб Сагдиева Ш.С., ходими калони илмӣ Шокирова Ш. ва н.и.т Якубов У.Ш. қайд намуданд, ки ҳар як олиму омӯзгор ба қадри Истиқлолият, Ватан ва арзишҳои миллӣ мерасанд ва ҳамеша барои ободии меҳани худ кӯшиш ба харҷ медиҳанд. Пешвои муаззами миллат дуруст моро ҳушдор дода таъкид месозанд: «Истиқлолиятро соҳиб шудан ҳанӯз кам аст; онро ҳифз намудан, пуштибонӣ кардан, тақвият бахшидан ва ҳамчун арзиши муқаддастарини давлату давлатдорӣ дарк намудан ва пос доштан зарур аст».

Сиёсати пешгирифтаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон моро вазифадор менамояд, ки барои амалӣ гардидани ҳадафҳои давлату Ҳукумат дар самти таҳкими рукнҳои давлатдории навини Тоҷикистон ва баланд бардоштани сатҳи некуаҳволии аҳолӣ тамоми нерӯ, қудрат, тавоноӣ ва донишу таҷрибаамонро ба кор барем.