Имрӯз (21.11.2024) дар маҷлисгоҳи Институти астрофизикаи АМИТ, семинари илмии “Системаи офтобӣ”, бахшида ба 110 - солагии академик Олег Василевич Доброволский баргузор гардид. Семинари илмиро Узви вобастаи АМИТ, д.и.ф.-м. Қоҳирова Г.И. ҳусни оғоз бахшид.
Дар кори Семинар маърузаҳои зерин:
1. Назарова З.К. «Ҳаёт ва фаъолияти академик Олег Василевич Доброволский»;
2. Абдулвоҳидов Р.М. «Вклад академика Добровольского О.В. в становлении и развитии астрономической науки в Таджикистане»;
3. Қоҳирова Г.И. «Исследование пред – перигелинной активности гиперполической кометы C/2019 U5 в 2022 г.»;
4. Карташова А.П. и др. «Исследование избранных метеорных потоков»; дар асоси натиҷаҳои илмӣ баррасӣ гардиданд.
Қайд кардан зарур аст, ки маърӯзаи аввал ба ҳаёт ва фаъолияти академик Олег Василевич Доброволский бахшида шуда буд. Маърӯзаи дуюм, натиҷаҳои назарраси илмӣ, ки бевосита таҳти роҳбарии марҳум академик Доброволский О.В. дар асоси омӯзиши физикаи кометаҳо гирифта шудааст ва саҳми он дар ташаккулу инкишофи илми астрономия дар Тоҷикистон, ироа гардид.
Маърӯзаи сеюм натиҷаҳои таҳқиқи хусусиятҳои физикии кометаи гиперболии C/2019 U5 дар асоси мушоҳидаҳои соли 2022 ва фаъолнокии он пеш аз перигелии мадорро дар бар мегирифт. Маърӯзаи чорум, ки аз тарафи ходими калони илмии Институти астрономияи АИР (ИНАСАН) пешкаш гардид, таҳқиқи селҳои метеории интихобшударо фаро мегирифт.
Дар рафти семинар муҳокимаҳо оид ба маърӯзаҳо сурат гирифт. Маърӯзаҳои илмӣ аз тарафи ходимони илмии Институт хуб пазируфта шуда барои чоп тавсия дода шуд.
ОЛИМОНИ АКАДЕМИЯИ ИЛМҲО ВАЗИФАДОРАНД, КИ ДАР ИҶРОИ СЕ ҲАДАФИ СТРАТЕГИИ ДАВЛАТ – ТАЪМИНИ ИСТИҚЛОЛИЯТИ ЭНЕРГЕТИКӢ, РАҲОӢ АЗ БУНБАСТИ КОММУНИКАТСИОНӢ ВА ҲИФЗИ АМНИЯТИ ОЗУҚАВОРИИ МАМЛАКАТ НАҚШИ ФАЪОЛОНА ДОШТА БОШАНД.
